Трамп Қрим Россиянинг бир қисми бўлиб қолишини таъкидлади
Трамп: “Украина NATOга интилиши билан урушни бошлади”.
АҚШ президенти Доналд Трамп Тиме журналига берган интервьюсида Украина-Россия можаросига оид кескин баёнотлар билан чиқди. Унга кўра, можаронинг бошланишида Киевнинг NATOга аъзо бўлиш истаги ҳал қилувчи омил бўлган.
“Менимча, бу уруш улар NATOга аъзо бўлиш ҳақида гапира бошлаганларида бошланган. Бу Россияни чалғитди ва хавотирга солди”, — деди Трамп.
У Қрим масаласида ҳам ўз позициясини аниқ ифода этди:
“Қрим Россия таркибида қолади. Буни Зеленский тушунади. Бу ҳақиқат ва бу вазият ўзгариши қийин”, — дея таъкидлади у.
Трампнинг бу фикрлари нафақат Ғарб, балки Украина раҳбарияти томонидан ҳам кескин муносабатларга сабаб бўлиши кутилмоқда. У аввалроқ ҳам Украина сиёсатини танқид қилган, NATOга аъзолик масаласини хавфли деб баҳолаган эди.
