Флорида аэропорти бомба таҳдидидан кейин ёпилди
Ҳозирда аэропортда текширувлар олиб борилмоқда.
Флорида штатидаги Санкт-Петербург-Клируотер халқаро аэропорти бомба таҳдиди сабабли ёпилди ва йўловчилар эвакуация қилинди. Бу ҳақида маҳаллий полиция хабар берди.
Маълумотларга кўра, воқеа жума куни кечқурун юз берган. Аллегиант авиакомпаниясининг самолёти бортидаги йўловчилар таҳдид эълон қилингандан сўнг эвакуация қилинган.
“Сент-Пит-Клируотер аэропортида Аллегиант рейси бортида бўлган йўловчилар жума куни кечқурун полиция бомба таҳдидини текшириш вақтида эвакуация қилинди”, — дейилади хабарда.
Ҳозирча ҳодиса оқибатида қурбонлар ёки жабрланганлар ҳақида маълумот берилмаган. Воқеанинг бошқа тафсилотлари ошкор этилмаган.
Федерал Авиация Бошқармаси (ФАА) Аллегиант рейси йўловчилари хавфсизлик хавфи сабабли Санкт-Петербург-Клируотер аэропортига муваффақиятли қўнганини тасдиқлади. Шунингдек, ФАА маълумотларига кўра, аэропорт ҳозирда маҳаллий полиция олиб бораётган тергов ишлари сабабли ёпиқ қолмоқда.
