Францияда 1,2 тонналик гигант торт тайёрланди
Дунёнинг энг узун торти рекорди янгиланди.
Францияда ширинлик ихлосмандлари узунлиги 121,8 метр ва оғирлиги 1,2 тонна бўлган улкан қулупнай тортини тайёрлаб, янги жаҳон рекордини ўрнатишди.
Ушбу рекорд Юсуф Ал-Қату бошчилигидаги 20 нафар ошпаздан иборат жамоа томонидан тайёрланган. Тортни тайёрлаш учун 4000 дона тухум, 350 кг қулупнай, 150 кг шакар кукуни ва 415 кг қаймоқ ишлатилган.
Гигант десертни тайёрлаш бир ҳафта давом этди. Торт муз майдончасида намойиш қилинди ва меҳмонларга уни татиб кўриш имконияти берилди.
Ошпазлардан бирининг айтишича, тайёрлаш жараёнидаги энг қийин вазифа — кремни иситиш учун қозон ҳароратини тўғри назорат қилиш бўлган.
