Канада Ғазога 72 миллион доллар ёрдам пули ажратди
Ушбу маблағ аҳолини зарур маҳсулотлар билан таъминлашга йўналтирилади.
Канада ҳукумати Ғазо секторидаги гуманитар инқирозни енгиллаштириш мақсадида озиқ-овқат ва инсонпарварлик ёрдами учун 72 миллион доллар ажратди. Ушбу маблағ асосан аҳолини зарур маҳсулотлар билан таъминлаш ва фавқулодда ёрдам операцияларини қўллаб-қувватлашга йўналтирилади.
Сўнгги хабарларга кўра, Исроилнинг Ғазони тўлиқ қамал қилиши оқибатида ҳудудда озиқ-овқат ва асосий эҳтиёж маҳсулотлари танқислиги кучаймоқда. Бу эса аҳоли ҳаётини янада оғирлаштирмоқда.
Канада расмийлари халқаро ҳамжамиятни Ғазодаги инқирозга эътибор қаратишга ва ёрдам кўрсатишга чақирди. Улар инсонпарварлик ёрдамини тезлаштириш ва тинчлик ўрнатиш йўлида қўшма саъй-ҳаракатларни давом эттириш зарурлигини таъкидладилар.
