Канадада машина оломонни босиб кетди
Фестивалдаги фожиа юзасидан ҳайдовчи қўлга олинган.
Канаданинг Ванкувер шаҳрида фестиваль давомида автомобиль оломон устига ҳайдалиши оқибатида камида 9 киши ҳалок бўлди, 6 киши жароҳат олди.
Ҳалок бўлганлардан бири бола экани айтилмоқда. Канада полицияси воқеани дастлабки суриштирув асосида террорчилик ҳаракати сифатида баҳоламади. Бу ҳақда мамлакат Ички ишлар вазирлиги ижтимоий тармоқдаги “X” платформасидаги саҳифасида маълум қилди.
“Биз ҳозирда ушбу ҳодиса террорчилик ҳаракати эмаслигига ишонч билдирамиз”, — дейилади расмий баёнотда.
Маълум қилинишича, воқеага сабабчи бўлган 30 ёшли ҳайдовчи қўлга олинган. Ҳодиса тафсилотлари бўйича тергов ишлари олиб борилмоқда.
