Россия Украина билан ҳеч қандай шартсиз музокараларга тайёр
Трамп Виткофф-Путин учрашувини ижобий баҳолади.
Россия президенти Владимир Путин АҚШ президентининг махсус вакили Стивен Виткофф билан учрашувда Россия томони Украина билан ҳеч қандай дастлабки шартларсиз музокараларни бошлашга тайёр эканлигини тасдиқлади.
Россия етакчисининг матбуот котиби Дмитрий Песков журналистларга берган изоҳида шундай деди:
“Владимир Путин Трампнинг вакили Виткофф билан кечаги учрашувда Россия томони ҳеч қандай шартсиз Украина билан музокара жараёнини қайта тиклашга тайёрлигини яна бир бор тасдиқлади”.
Маълумот учун, бу Путин ва Виткофф ўртасидаги йил бошидан буён бўлиб ўтган тўртинчи учрашувдир. Россия президенти ёрдамчиси Юрий Ушаковга кўра, суҳбат уч соат давом этган ва “конструктив, жуда фойдали” тарзда ўтган.
АҚШ президенти Доналд Трамп эса Виткоффнинг Путин билан учрашувини «яхши» деб баҳолаган.
