“Титаник”дан омон қолган йўловчининг мактуби рекорд нархга сотилди
Арчибалд Грейснинг тарихий хати аукционда қўлга киритилди.
“Титаник” ҳалокатидан омон қолган йўловчи Арчибалд Грейсснинг ёзган мактуби аукционда рекорд нарх — 400 минг долларга сотилди.
Бу натижа “Титаник” бортида ёзилган мактуб учун тўланган энг юқори сумма бўлиб, тарихий аҳамият касб этмоқда.
Арчибалд Грейс мактубда 1912 йилда “Титаник” кемасидаги қисқа сафар давомида юз берган асосий воқеаларни тасвирлаб берган. У мактубни сафар чоғида почта орқали яқинларига юборган.
Маълумотларга кўра, Грейс “Титаник” ҳалокати вақтида қутқарув ишларида фаол иштирок этган ва омон қолган кам сонли йўловчилардан бири бўлган. Хат эса ҳалокатдан бир неча кун аввал, 1912 йил 10 апрель санасида ёзилган.
Мутахассисларнинг таъкидлашича, ушбу мактуб “Титаник” тарихига оид ноёб ва муҳим ҳужжат сифатида баҳоланмоқда. Бу каби ҳужжатлар ўша давр воқеаларини жонли тасаввур қилишга имкон беради.
