Янги Рим папасини сайлаш учун конклав 7 май куни бошланади
135 нафар кардинал янги папа сайлови учун йиғилади.
Бу ҳақда Реутерс агентлиги Ватикандаги юқори мартабали манбасига таяниб хабар бермоқда. Манбага кўра, конклав санаси 26 апрель куни, Папа Франсискнинг дафн маросимидан кейин ўтказилган биринчи ёпиқ йиғилишда белгиланганди. Яқин кунларда бу ҳақда расмий эълон ҳам қилиниши кутилмоқда.
Маълумотларга кўра, дунёнинг турли бурчакларидан 80 ёшдан кичик бўлган тахминан 135 нафар кардинал конклавда овоз бериш ҳуқуқига эга.
Аввалги конклавлар — 2005 ва 2013 йиллардаги йиғилишлар икки кун давом этган эди. Бироқ швед кардинали Андерс Арборрелиуснинг фикрича, бу сафарги конклав узоқроқ давом этиши мумкин. Сабаби, кўплаб кардиналар Рим папаси томонидан тайинланган бўлсада, улар илгари бир-бири билан яқиндан танишмаган.
Экспертлар бу сафарги конклавнинг давомийлиги ва натижаси бутун католик дунёси учун муҳим тарихий бурилиш бўлиши мумкинлигини таъкидлашмоқда.
