БМТ Хавфсизлик Кенгашида Украина масаласи кўтарилади
Киев халқаро қўллаб-қувватлашни сўради.
Бугун БМТ Хавфсизлик Кенгашининг навбатдаги йиғилиши Украина масаласига бағишланади. Украина Ташқи ишлар вазирлигининг маълум қилишича, йиғилиш Франция раислигида чақирилган бўлиб, у Россиянинг тажовузи ва Украина ҳудудидаги тинч аҳолига қарши давом этаётган ҳужумларга эътибор қаратади.
“Украина тинчлик истайди. Биз АҚШ томонидан таклиф этилган тўлиқ ўт очишни тўхтатиш режасига 49 кун олдин рози бўлганмиз, бироқ Россия бунга рад жавобини берган. Бу эса ким аслида тинчликдан манфаатдор, ким эса урушни давом эттирмоқчи эканини яққол кўрсатади,” — деди Украина ташқи ишлар вазири Андрий Сибига.
У, шунингдек, БМТ Хавфсизлик Кенгаши аъзоларини Украинани тинчлик йўлидаги ҳаракатларида фаол қўллаб-қувватлашга, тинч аҳолига нисбатан кучайган зўравонликларни кескин қоралашга ва Россияга босимни кучайтиришга чақирди.
