Зеленский ўт очишни тўхтатишни талаб қилди
Зеленский: “8 майгача кутиш учун ҳеч қандай асос йўқ”.
Украина президенти Владимир Зеленский Россия раҳбари Владимир Путиннинг 8 майдан 10 майгача уруш ҳаракатларини тўхтатиш бўйича билдирган ташаббусига муносабат билдирди. Зеленский бу таклифни танқид қилиб, уни "навбатдаги манипулация уринишларидан бири" деб баҳолади ва зудлик билан, ҳеч қандай шартларсиз, камида 30 кунлик тўлиқ сулҳ эълон қилинишини таклиф қилди.
“Биз инсон ҳаётини қадрлаймиз, парадларни эмас. Шу боис 8 майгача кутиш учун ҳеч қандай асос кўрмаяпмиз. Ўт очишни бир неча кун эмас, балки узоқ муддатга, дарҳол тўхтатиш керак. Бу ҳақиқий дипломатик музокаралар учун замин бўла олади”, — деди Зеленский ўз мурожаатида.
Украина раҳбарининг бу баёноти Россиянинг Ғалаба куни олдидан қисқа муддатли сулҳ таклифига жавобан айтилди. Зеленский сулҳ ҳар қандай байрам ёки сиёсий контекстдан мустақил бўлиши кераклигини таъкидлади.
