Жанубий Кореянинг вақтинча президенти истеъфога чиқди
Хан Док Су президентлик учун курашишга ҳозирланмоқда.
Жанубий Корея Бош вазири ҳамда вақтинча президент вазифасини бажараётган Хан Док Су истеъфога чиқишини эълон қилди. Бу қарор 2025 йил 3 июнга белгиланган навбатдан ташқари президентлик сайловлари арафасида қабул қилинди.
Хабарларга кўра, Хан Док Су ушбу сайловларда ўз номзодини қўйишни режалаштираётгани тахмин қилинмоқда.
Айни пайтда мамлакатда сиёсий вазият кескинлашган. Олий суд президентликка асосий даъвогар бўлган Ли Чже Менни оқлашдан бош тортди — бу унинг сайловда қатнашиш имкониятини хавф остига қўйиши мумкин.
2024 йил декабрида Президент Юн мамлакатда фавқулодда ҳолат эълон қилган, бироқ парламент аралашуви сабаб 4 декабрь куни бу қарор бекор қилинган эди. Ўша куни унга нисбатан импичмент эълон қилинди ва 2025 йил апрелида Конституциявий суд бу қарорни тасдиқлади.
Шундан сўнг вақтинча президент ваколати Хан Док Суъга ўтказилган эди.
