Янги Зеландияда кучли тошқин ва бўрон кузатилмоқда
Мамлакатда фавқулодда ҳолат эълон қилинган.
Янги Зеландиянинг иккинчи йирик шаҳри бўлган Кристчурчда кучли ёмғир ёғиб, катта сув тошқинига сабаб бўлди. Натижада, аҳоли пунктида фавқулодда ҳолат эълон қилинган.
Хабарларга кўра, Фавқулодда вазиятлар вазири Марк Митчелл зарар кўрган Кентербери минтақасига етиб келиб, ҳолатни баҳолаш ва қутқарув ишларини мувофиқлаштиришни бошлаган.
Бундан ташқари, мамлакат пойтахти Веллингтонда 150 км/соат тезликка етган бўронли шамол томларни учириб кетган, дарахтларни йиқитган ва йўлларни тўсиб қўйган ва катта зарар етказган.
Ёнғин ва фавқулодда вазиятлар хизмати хабарларига кўра, эрталабдан бошлаб қутқарувчилар бўрон билан боғлиқ 93 та ҳолатга чиқишган ва бошқа хизматларга 66 та қўшимча чақирувлар келиб тушган.
