Элдор Шомуродов «Рома»да ойнинг энг яхши фулболчиси деб топилди
Бу Шомуродовнинг жорий мавсумдаги иккинчи совринидир.
Ўзбекистонлик ҳужумчи Элдор Шомуродов «Рома» жамоасида апрель ойининг энг яхши футболчиси деб топилди. Бу қарор мухлислар ўртасида ўтказилган сўров натижасида қабул қилинди.
Шомуродов овоз беришда аргентиналик Матиас Суле ва сербиялик дарвозабон Миле Свиларни ортда қолдирди. Бу унинг жорий мавсумдаги иккинчи шахсий совринидир — у февраль ойида ҳам ойнинг энг яхшиси деб тан олинган эди.
29 ёшли футболчи апрель ойида тўртта ўйинда майдонга тушиб, иккита гол урди ва бир голли узатма берди. У «Ювентус» дарвозасига муҳим гол уриб, жамоасини мағлубиятдан қутқариб қолган. «Верона»га қарши ўйинда киритган ягона гол «Рома»га ғалаба олиб келди. «Интер» билан баҳсда эса жамоадоши Сулега аниқ пас узатиб, ҳал қилувчи голга ҳисса қўшди.
Ҳозирда «Рома» А Церийада 18 ўйиндан бери мағлуб бўлмаяпти ва турнир жадвалида 6-ўринни эгаллаб турибди.
