Олимлар Ер остидан хавфли сигналларни аниқладилар
21-асрда ҳалокатли вулқон отилиши мумкин.
Олимлар Ер остидан яқинлашиб келаётган фалокат сигналларини топдилар. CNN'да чоп этилган илмий мақолага кўра, геологик таҳлиллар келажакда ҳалокатли супервулқон отилиши содир бўлиши мумкинлигини кўрсатмоқда.
Тадқиқотчилар 21-асрда бундай йирик вулқон портлаши эҳтимоли тахминан 1/6 ни ташкил қилишини айтишмоқда. Уларнинг фикрича, бу ҳолат 1815 йилда Индонезиядаги Тамбора вулқонининг портлашига ўхшаш бўлиши мумкин. Ўша вақтда атмосферага чиқарилган кул ва газ глобал иқлим ўзгаришига, очарчиликка ва оммавий ўлимларга сабаб бўлган эди.
Янги тадқиқотларга кўра, шундай портлаш иқлим совушига, қишлоқ хўжалигида инқирозга ва озиқ-овқат танқислигига олиб келиши мумкин. Бу эса миллионлаб инсонлар ҳаётига таҳдид солади.
Олимлар бу хавфга қарши туриш учун глобал геологик кузатувларни кучайтириш ва халқаро ҳамкорликни ривожлантириш зарур, дея таъкидламоқда.
