Зеленский Путиннинг уч кунлик сулҳ таклифини рад этди
Зеленский: “Уч кунлик сулҳ билан келишувга эришиб бўлмайди”.
Украина президенти Владимир Зеленский Россия президенти Владимир Путин томонидан таклиф этилган уч кунлик ўт очишни тўхтатиш келишувини рад этди.
Зеленский журналистлар билан суҳбатда, қисқа муддатли сулҳлар фақат вақтни чўзиш учун хизмат қилишини ва уларнинг фойдаси йўқлигини таъкидлади. Унинг фикрича, ҳақиқий натижага эришиш учун камида 30 кунлик ўт очишни тўхтатиш зарур.
"Уч кунлик тинчлик билан ҳеч нарсага эришиб бўлмайди. Бундай таклифлар билан ўйнаш ниятим йўқ", — деди Зеленский.
Шунингдек, Украина етакчиси 9 май куни Москвада ўтказиладиган парад чоғида халқаро етакчилар хавфсизлигини таъминлаш кафолатлари бўлмаслигини билдирди.
