Украина можароси тез орада тугаши мумкин
Трамп Украина урушини тўхтатиш учун катта имкониятлар борлигини таъкидлади.
АҚШ президенти Доналд Трамп Украина урушини тугатиш бўйича музокаралар тез орада натижа беришига умид қилмоқда. Унга кўра, бу борада "жуда яхши имкониятлар" мавжуд.
Трампнинг сўзларига кўра, ҳозирги вақтда АҚШ "жанг қилаётган томонлардан бирига нисбатан яқинроқ, бошқасига эса унчалик эмас", бироқ у қайси томонни назарда тутганини аниқ айтмаган.
Шунингдек, у АҚШ урушни тугатиш бўйича музокаралардан чиқиб кетишини ҳам инкор этмади. "Баъзида мен уларга ъаҳмоқона ҳаракатларингни давом эттираверʼ дейман. Музокарадан чиқишга яқинлашган пайтларим ҳам бўлади, бироқ кейин ижобий ўзгаришлар юз беради", деди Трамп.
Унинг фикрича, музокараларнинг энг катта тўсиқларидан бири бу — Путин ва Зеленский ўртасидаги "кучли нафрат".
Трамп, шунингдек, яна бир бор АҚШ ва Украина ўртасида табиий ресурслардан фойдаланиш бўйича имзоланадиган келишув ёрдамида Вашингтон томонидан Киевга кўрсатилган молиявий ёрдамнигина эмас, балки умумий харажатларни қоплаш имконияти юзага келишини таъкидлади.
