Москвада мобил алоқа ва интернет чекловлари жорий этилди
Байрам хавфсизлиги учун вақтинчалик узилишлар кузатилиши мумкин.
5 май тонгидан бошлаб Москва шаҳри ва унга туташ ҳудудларда мобил алоқа ва интернет хизматларида узилишлар кузатилди.MTS, Beeline, MegaFon ва Т2 операторлари фойдаланувчилари алоқа билан боғлиқ муаммолардан шикоят қилмоқда.
Beeline компанияси бу узилишлар ўзларига боғлиқ бўлмаган сабабларга кўра юз бераётганини билдирган ҳолда, мижозларга Wi-Fi тармоғидан фойдаланишни тавсия қилди.
Шаҳар аҳолиси фавқулодда ҳолатлар бўйича ягона огоҳлантириш тизимидан махсус хабар олганликларини маълум қилишди. Унда 9 майдаги Ғалаба байрами тадбирлари хавфсизлигини таъминлаш мақсадида интернетга киришда вақтинчалик чекловлар бўлиши мумкинлиги айтилган.
Ҳозирда Москвада Ғалаба парадига тайёргарлик машғулотлари олиб борилмоқда. Узилишлар 9 майгача давом этиши кутилмоқда.
