Трамп эҳтимолий ворисларини эълон қилди
Венс ва Рубио — келажак лидерлари сафида.
АҚШ президенти Доналд Трамп яқин атрофдаги сиёсий иттифоқчилари — вице-президент Жеймс Девид Венс ва Давлат котиби Марко Рубиони ўзининг эҳтимолий ворислари сифатида тилга олди. Бу ҳақда у NBC News телеканалига берган интервьюсида айтиб ўтди.
“Ҳали аниқ айтиш эрта, лекин вице-президентим жуда ажойиб иш қилмоқда. Марко ҳам зўр,” — деди Трамп журналист саволига жавобан.
Шунингдек, у Республикачилар партиясининг энг юқори лавозимларга лойиқ бўлган “яхши одамлар билан тўла” эканини алоҳида таъкидлади.
Трампнинг бу баёноти келажакдаги сиёсий сценарийлар ва 2028 йилги президентлик сайловлари юзасидан турли тахминларга сабаб бўлмоқда.
