АҚШ муҳожирларга пул таклиф қилмоқда
АҚШдан ўз ихтиёри билан кетган ноқонуний муҳожирларга пул тўланади.
АҚШ ҳукумати ўз ихтиёри билан мамлакатни тарк этишга қарор қилган ноқонуний муҳожирларга молиявий рағбат сифатида 1000 АҚШ доллари миқдорида тўлов тақдим этади. Бу ҳақда АҚШ Ички хавфсизлик департаменти расмий баёнот берди.
Ташаббус доирасида мигрантлар бир неча босқичдан ўтиши керак: аввало махсус “СБП Ҳоме” дастурида рўйхатдан ўтиш, кейин АҚШ ҳудудини тарк этиш ва сўнг мамлакатдан ташқарида эканлигини тасдиқловчи ҳужжатларни тақдим этиш лозим. Жараён тўлиқ якунлангач, уларга 1000 доллар миқдорида тўлов берилади.
Мазкур янги ёндашув ноқонуний муҳожирларни мамлакатдан чиқишга ундаш орқали депортация билан боғлиқ харажатларни сезиларли даражада камайтиришга қаратилган. Ҳозирда бир нафар муҳожирни ушлаш, ҳибсга олиш ва мажбуран депортация қилиш АҚШ бюджетига ўртача 17 121 доллар тушмоқда. Расмийлар ушбу лойиҳа бу харажатларни 70 фоизгача қисқартиришига умид қилмоқда.
