Покистон Ҳиндистонга жавоб зарбаси қайтаришга ҳақли
Бу ҳақда 7 май куни қарор қабул қилинди.
Покистон Миллий хавфсизлик кенгаши Ҳиндистонга нисбатан “ҳаракат эркинлиги”ни Покистон Қуролли Кучларига берди. Қарор 7 май куни бош вазир Шаҳбоз Шариф раислигида ўтган фавқулодда йиғилишда қабул қилинди.
Йиғилишда иштирокчилар Покистоннинг ўзини ҳимоя қилиш ҳуқуқи БМТ Низомининг 51-моддасида мустаҳкамлангани ҳақида эслатиб ўтишди. Баёнотда: “Покистон ҳар қандай вақтда, исталган жойда ва исталган усулда жавоб қайтариш ҳуқуқини сақлаб қолади”, — дейилган.
Шунингдек, баёнотда Покистон минтақавий тинчлик тарафдори экани таъкидланди. Бироқ суверенитет ва миллий қадр-қиммат масаласида ҳеч қандай муроса бўлмаслиги қатъий айтиб ўтилди.
