Германия мудофаа харажатларини оширмоқчи
Мудофаага 60 миллиард евродан ортиқ маблағ ажратилиши белгиланган.
Германия Мудофаа вазири Борис Писториус 2025 йилдан бошлаб мамлакатнинг ҳарбий бюджетини йилига 60 миллиард евродан ортиқ қилиб белгилашни режалаштираётганини маълум қилди. Бу қадам Германиянинг НАТО олдидаги 2 фоиз ялпи ички маҳсулот (YIM) ҳажмидаги мудофаа мажбуриятларини мунтазам равишда бажара олишини таъминлашга қаратилган.
Сўнгги йилларда Россиянинг Украинадаги ҳарбий ҳаракатлари Европадаги хавфсизлик муҳитини кескин ўзгартирди. Натижада, Германия ҳам ўзининг мудофаа сиёсатини тубдан қайта кўриб чиқишга мажбур бўлди. Канцлер Олаф Шолтс буни “бурилиш нуқтаси” деб атаб, мамлакат мудофаа салоҳиятини кучайтириш учун катта маблағ ажратилишини эълон қилган эди.
60 миллиард евро миқдоридаги янги мудофаа бюджети Германияга янги қурол-аслаҳа сотиб олиш, мавжуд ҳарбий инфратузилмани модернизация қилиш, ҳамда Европада НАТО кучларининг тезкор ҳаракатланишини таъминлаш бўйича лойиҳаларни амалга ошириш имконини беради. Шунингдек, бу ўсиш Германиянинг халқаро ҳарбий миссиялардаги роли ва таъсирини ҳам кучайтириши кутилмоқда.
