Ҳиндистонда вертолёт ҳалокатга учради
Унда 5 киши ҳалок бўлган.
Ҳиндистоннинг Уттаракханд штатида юз берган вертолёт ҳалокати оқибатида беш киши ҳалок бўлди, яна икки киши тан жароҳати олди. Ҳалокат 8 май куни маҳаллий вақт билан соат 09:00 атрофида Уттаркаши туманидаги Ганганани термал булоқлари яқинида содир бўлди.
Ҳодиса тафсилотлари ҳозирча тўлиқ аниқланмаган. Қутқарувчилар ва терговчилар дарҳол воқеа жойига етиб борган. Шу пайтгача қилинган расмий баёнотларда жабрланганларга тиббий ёрдам кўрсатилаётгани айтилмоқда.
Уттаракханд бош вазири Пушкар Сингх Дҳами ушбу оғир йўқотиш муносабати билан ҳамдардлик билдириб, ҳалокат сабаблари тўлиқ ўрганилиши бўйича кўрсатмалар берганини таъкидлади.
