АҚШда 1977 йилги қотиллик фош этилди
Сигарет қутисидаги излар қотилни аниқлашда ёрдам берди.
АҚШнинг Огаё штатида 1977 йилда содир бўлган аянчли қотиллик ҳолати орадан деярли ярим аср ўтиб фош қилинди. Полиция илгари очилмаган жиноятни сигарет қутисида топилган бармоқ излари ва DNKтаҳлили ёрдамида очишга муваффақ бўлди.
1977 йилда 24 ёшли Жеанетте Ралстон жинсий тажовузга учраган ва бўғиб ўлдирилган ҳолда топилган эди. Унинг жасади бар яқинида машинанинг орқа ўриндиғида аниқланган. Воқеа гувоҳлари марҳума барни номаълум эркак билан тарк этганини билдирган.
Санта-Клара округи прокурори ўринбосари Роб Бейкернинг айтишича, терговчилар дастлаб Федерал Қидирув Бюроси (ФҚБ) маълумотлар базасидан фойдаланиб, жиноят жойида топилган сигарет қутисидаги изларни кимга тегишли эканини аниқлай олмаган. Аммо 2023 йилда алгоритмлар янгилангач, излар 69 ёшли Вилли Юджин Симсга тегишли экани аниқланган.
Қолаверса, Симснинг DNKси Ралстоннинг тирноқлари остидаги биологик излар ва унинг бўғиб ўлдирилган кўйлагидаги DNKбилан ҳам мос тушган.
Симс пайшанба куни судга чиқиши кутилмоқда. Уни 25 йилгача озодликдан маҳрум қилишлари мумкин.
