Британиялик аёл пластик жарроҳликдан сўнг аэропортдан ўтказилмади
Паспорт назорати тизими уни суратидан танимаган.
35 ёшли британиялик блогер Эшли Стобарт пластик жарроҳлик амалиётларидан кейин аэропортда кутилмаган муаммога дуч келди. Паспорт назорати тизими уни суратидан танимай қолди. У Нип Туск подкастида бу ҳақда шикоят қилиб, “Юзим устида шунчалик кўп иш қилинганидан, энди автоматик текширувдан ўтолмайман,” деди.
Стобарт ринопластика, фаселифт, қош кўтариш ва лаб ўзгартириш каби кўплаб муолажаларни ўтказганини яширмайди. Натижада у ўзини янги инсондек ҳис қилаётган бўлсада, саёҳатлари энди мураккаблашган.
Аэропорт ходимлари унга шахсини тасдиқловчи бошқа ҳужжатлар, кредит карталари ва ҳаттоки эски суратларини кўрсатишни сўраган. Стобартнинг сўзларига кўра, энди ҳар бир рейсда қўшимча текширувлардан ўтишга тўғри келмоқда.
