Ҳиндистон ва Покистон ўт очишни тўхтатишга келишди
АҚШ воситачилигида Деҳли ва Исломобод сулҳга эришди.
АҚШ президенти Доналд Трамп Ҳиндистон ва Покистон ўртасида тўлиқ ва дарҳол кучга кирадиган ўт очишни тўхтатиш бўйича келишувга эришилганини маълум қилди.
Унинг сўзларига кўра, ушбу натижага АҚШ воситачилигида кечаси бўлиб ўтган узоқ музокаралар орқали эришилган.
“Мен Ҳиндистон ва Покистоннинг ўт очишни тўлиқ ва дарҳол тўхтатишга келишганини мамнуният билан эълон қиламан. Ҳар икки давлатни оқилона ва масъулиятли қарорлар учун табриклайман! Бу масалага эътибор қаратган барча томонларга раҳмат”, — деб ёзди Трамп Truth Social’даги саҳифасида.
Мазкур келишув Жанубий Осиёда тинчлик сари муҳим қадам бўлиши мумкин.
