Ҳиндистонда хавфсизлик чоралари кучайтирилмоқда
Ҳиндистонда 32 та аэропорт вақтинча ёпилди.
Маълум қилинишича, Ҳиндистон ҳукумати 15 майга қадар мамлакатдаги 32 та аэропортни фуқаролик рейслари учун вақтинча ёпди. Ушбу чора-тадбирлар маҳаллий вақт билан 05:29 гача амал қилади.
Расмий хабарларга кўра, аэропортлар фаолиятининг тўхтатилиши Ҳиндистонда хавфсизлик чоралари кучайтирилаётганига боғлиқ. Фуқаролик авиацияси хавфсизлик бюроси (BCAS) барча авиакомпаниялар ва аэропортларга хавфсизликни ошириш бўйича махсус кўрсатмалар берган.
Манбаларга кўра, аэропортларнинг ёпилиши муҳим ички ёки минтақавий хавфсизлик сабаблари билан боғлиқ бўлиши мумкин. Ҳозирча расмийлар ушбу чоралар нега айнан шу санага қадар жорий этилганини очиқламаган.
