Женевада АҚШ-Хитой савдо музокаралари бошланди
Трамп бож ставкаларини пасайтиришни айтмоқда.
Швейцариянинг Женева шаҳрида АҚШ ва Хитой ўртасида савдо муносабатларига оид музокаралар бошланди. Бу ҳақда Синхуа агентлиги хабар бермоқда.
Учрашувда Хитой томонидан Бош вазир ўринбосари Хе Лифен, АҚШ томонидан эса молия вазири Скотт Бессент иштирок этмоқда.
Хабарларга кўра, АҚШ президенти Доналд Трамп яқин ҳафталарда Хитой маҳсулотларига жорий этилган бож ставкаларини 145 фоиздан 50 фоизгача тушириш эҳтимоли ҳақида баёнот берган.
“Ҳозирги бож ставкалари жуда юқори – 145 фоиз. Уларни пасайтиришимиз мумкин. Менимча, Хитой билан яхши савдо муносабатларини йўлга қўйишимиз мумкин бўлади”, — деган Трамп.
Мазкур музокаралар келгуси ҳафталарда икки томонлама иқтисодий алоқаларга сезиларли таъсир кўрсатиши кутилмоқда.
