Покистон Ҳиндистонга қарши ҳарбий операция бошлади

Покистон "Банбян-ул-Марсус" (“Мустаҳкам девор”) деб номланган йирик ҳарбий операцияни бошлаганини эълон қилди. Бу ҳақда Гео ТВ телеканали хавфсизлик идораларидаги манбаларига таяниб хабар берди.

 

Аввалроқ Покистон армияси Ҳиндистон томонидан ўз авиабазаларига ракета ҳужуми уюштирилганини маълум қилган ва жавоб чоралари кўришини билдирган эди. Бунинг ортидан мамлакат ҳаво ҳудуди маҳаллий вақт билан 10 май тушгача ёпилди.

 

Покистон бош вазири Шаҳбоз Шариф Миллий қўмондонлик йиғилишини чақирган. Ҳукумат расмий саҳифаларида операция бошлангани эълон қилинди.

 

Манбаларга кўра, Покистон армияси Ҳиндистондаги бир қатор стратегик нишонларга зарбалар йўллаган. Хусусан, БраҳМос гипертовушли ракеталар омбори, Удҳампур ва Патҳанкот авиабазалари, армия штаб-квартираси ва йирик ҳарбий омбор зарбага учрагани хабар қилинди.

 

Ҳиндистон расмийлари ҳозирча ушбу маълумотларга изоҳ бермаган, маҳаллий ОАВ ҳам зарбалар ҳақида тасдиқловчи хабарлар бермаган. Вазирликлар ва халқаро кузатувчилар вазиятни жиддий мониторинг қилмоқда.