Украина 12 майдан 30 кунлик сулҳга тайёр
Зеленский ва Ғарб етакчилари Трамп билан сулҳни муҳокама қилди.
Украина 12 майдан бошлаб барча йўналишларда 30 кунлик ўт очишни тўхтатишга тайёр. Бу ҳақда мамлакат ташқи ишлар вазири Андрей Сибига “хоҳловчилар коалицияси” йиғилиши якунлари бўйича эълон қилди.
Сибига баёнотига кўра, йиғилишдан сўнг Украина президенти Владимир Зеленский, Франция президенти Эммануэл Макрон, Германия номидан сиёсатчи Фридрих Мерс, ЕИ Кенгашининг раҳбари Доналд Туск ва Буюк Британия бош вазири Кир Стармер АҚШ президенти Доналд Трамп билан телефон орқали мулоқот қилган.
“Коалициядаги беш етакчи тинчлик ташаббуслари доирасида Трамп билан конструктив суҳбат ўтказди. Украина ва унинг иттифоқчилари ҳеч қандай шартсиз, ҳавода, қурукликда ва денгизда ўт очишни тўхтатишга тайёр. Бу яқин душанбадан бошланиши мумкин”, — деди Сибига.
Унинг сўзларига кўра, агар Россия ҳам рози бўлса ва кучли мониторинг механизми жорий этилса, бу узоқ муддатли ўт очишни тўхтатиш ва тинчлик музокараларини бошлаш учун асос бўлиши мумкин.
Аввалроқ Россия тинчликка фақат Ғарб Украинага қурол етказиб беришни тўхтатгандагина розилик билдиришини айтган эди.
