Трамп ихтиёрий депортация дастурини ишга туширди
Ноқонуний муҳожирларга бепул чипта берилади.
АҚШ президенти Доналд Трамп тарихда биринчи бор ноқонуний муҳожирлар учун мамлакатдан ихтиёрий чиқиб кетиш дастури ишга туширилганини маълум қилди. Унга кўра, ҳар қандай ноқонуний муҳожир оддийгина аэропортга бориб, АҚШни тарк этиш учун бепул авиачиптани олишлари мумкин.
“Биз бу жараённи иложи борича соддалаштиряпмиз. Махсус мобил иловалар ишлаб чиқилган, улар орқали чиптани олдиндан банд қилиш мумкин”, — деб ёзади Трамп Трутҳ Сосиалъдаги саҳифасида.
Трамп шунингдек, чиқиб кетганларга аниқлаштирилмаган миқдорда “муҳим бонус” берилишини таъкидлади. Маълумотларга кўра, бу ташаббус АҚШ бюджетига триллионлаб доллар тежаш имконини беради.
Аввалроқ АҚШ Ички хавфсизлик вазирлиги ихтиёрий чиқиб кетган муҳожирларга 1 000 доллар миқдорида пул компенсацияси тўланишини билдирган эди.
Шу билан бирга, ихтиёрий чиқиб кетишни рад этганлар қатъий чора-тадбирларга дуч келиши ҳақида огоҳлантирилган: уларга нисбатан жарималар, ҳибсга олиш, мол-мулк мусодараси ёки исталган вақтда мажбурий депортация каби жазолар қўлланиши мумкин.
