Германия ноқонуний мигрантларнинг 78 фоизини депортация қилди
Мигрантлар сохта ҳужжатлар билан давлатга кирмоқчи бўлган.
7 майдан бошлаб Германия Ички ишлар вазирлиги чегарадаги назоратни кучайтирди. Кейинги икки кун давомида федерал полиция 365 нафар ноқонуний мигрантни қўлга олди, уларнинг 286 нафари ёки 78,3 фоизи мамлакатдан чиқариб юборилди.
Кўплаб ҳолатларда виза йўқлиги, сохта ҳужжатлар ёки илгари берилган кириш тақиқлари мигрантларга Германияга киришга тўсқинлик қилмоқда. Хабарларга кўра, ҳар куни тахминан 200 нафар мигрант Германия чегарасини ноқонуний кесиб ўтишга ҳаракат қилади. Бу рақам авваллари 120 нафар атрофида эди.
Ички ишлар вазири Александер Добриндт томонидан эълон қилинган янги қоидаларга кўра, Европа Иттифоқи мамлакатларидан келган бошпана сўровчиларга чегаранинг ўзидаёқ кириш рад этилиши мумкин. Фақат болалар ва ҳомиладор аёллар каби муайян тоифаларга истиснолар қўлланилади.
