Ҳиндистон Покистон билан уруш туфайли ёпилган аэропортларни очди
32 та ёпилган аэропортда парвозлар қайта тикланди.
Ҳиндистон расмийлари мамлакатнинг шимолий ва ғарбий ҳудудларида Покистон билан боғлиқ хавфсизлик вазияти кескинлашгани сабабли вақтинча ёпилган 32 та аэропорт фаолияти яна тикланди.
Аввалроқ, 9–14 май кунлари давомида 487 та аэропортдан 32 таси хавфсизлик ва операцион сабабларга кўра вақтинча ёпилгани маълум қилинган эди. Аэропортларни ёпиш қарори Покистон билан чегарадош ҳудудларда ҳарбий кескинлик ортиб бораётган бир пайтда қабул қилинган.
Хабарларга кўра, Ҳиндистон аэропортлари маъмурияти томонидан янги NOTAM (учувчилар учун билдиришнома) чиқарилган бўлиб, бу 32 та аэропортда фуқаролик парвозларига рухсат берилишини билдиради.
Ушбу қарор Ҳиндистон ҳаво кучларининг кўрсатмаларидан сўнг қабул қилинган ва парвозлар хавфсизлиги таъминлангани таъкидланган.
