Машҳур продюсер Доналд Трамп ҳақида фильм суратга олмоқчи
Суратга олиш ишлари 2025 йилда бошланади.
Италия-канадалик таниқли продюсер Андреа Иерволино АҚШ президенти Доналд Трамп ҳақида катта бюджетли биографик фильм суратга олишни режалаштирмоқда.
Иерволино фильм учун 100 миллион долларлик сармоя жалб қилиш мақсадида бўлажак Канн кинофестивалида потенциал инвестор ва ҳамкорлар билан музокаралар олиб боради. Ҳозирча актёрлар таркиби маълум эмас, бироқ суратга олиш ишлари 2025 йил охирида АҚШда бошланиши режалаштирилган.
Хабарларга кўра, лойиҳа Трамп образига нисбатан кўпроқ «меҳрибон» ёндашувни танлайди ва уни илгари суратга олинган «Шогирд» (Тҳе Аппрентисе) фильмидан фарқли услубда акс эттиради.
Андреа Иерволино фильмни “Доналд Ж. Трампнинг ҳаёти ва мероси” ҳақида бўладиган жасур ва бадиий биопик сифатида таърифлади. Унинг фикрича, Трамп замонавий сиёсат ва маданиятда муҳим таъсир кучига эга бўлган шахсдир.
Продюсер илгари Андреа Боселли ҳақида “Сукунат мусиқаси”, Феррари ҳақидаги биопик, шунингдек, Ал Пачино ва Кети Холмс иштирокидаги “Асирга олинган” каби лойиҳаларда ишлаган.
