Қатар Трампга янги Аир Форсе Оне самолётини совға қилмоқчи
Бу АҚШ тарихидаги энг қиммат сиёсий совға бўлиши мумкин.
Хабарларга кўра, Қатар АҚШ президенти Доналд Трампга Боэинг 747-8 самолётини совға қилишни режалаштирмоқда. Ушбу модель замонавий технологиялар билан жиҳозланган бўлиб, Аир Форсе Онеънинг янгиланган варианти сифатида кўрилмоқда.
Режага кўра, Трамп бу самолётдан президентликдан кейин ҳам фойдаланиши мумкин бўлади. Кейинчалик у Трамп кутубхонаси фондига ўтказилиши кутилмоқда. Бу совға АҚШ тарихида президентга топширилган энг қиммат совға бўлиши мумкин.
Бироқ АҚШ Конституциясига биноан, президентлар хорижий давлатлардан Конгресс розилигисиз совғалар қабул қила олмайди. Шунинг учун бу ҳолат сиёсий ва ҳуқуқий баҳсларга сабаб бўлиши мумкин.
Ҳозирда АҚШ президенти иккита Боэинг 747-200Б русумли Аир Форсе Оне самолётидан фойдаланади. Ушбу самолётлар 1990 йилларнинг бошидан бери хизматв қилади. Боэинг компанияси бу самолётларни алмаштириш учун янги 747-8 моделларини тайёрламоқда, аммо ишлаб чиқариш жараёни кечикмоқда. Трамп эса илгарироқ бу жараёндан норози эканини билдирган эди.
Қатар илгари ҳам бошқа давлатларга самолёт совға қилган — 2018 йилда Туркия ҳукумати шундай самолёт қабул қилган эди.
