Европа Иттифоқи “Лукойл”ни жазолашга тайёрланмоқда
Компаниядан Россия нефтини ташишда фойдаланилаётган бўлиши мумкин.
Европа Иттифоқи тарихда илк бор Россияга алоқадор "Лукойл" компаниясининг Дубайдаги бўлими — Litasco Middle East DMCCга қарши санкция қўллашни режалаштирмоқда. Хабарларга кўра, бу компания Россия нефтини ташишда фойдаланилаётган яширин танкерлар флотига алоқадор ҳисобланмоқда.
Янги санкциялар пакети доирасида 150 та танкер, 60 нафардан ортиқ жисмоний шахс ва бир қатор компаниялар санкциялар рўйхатига киритилиши мумкин. Бунинг натижасида “яширин флот”га тегишли танкерлари сони 300 тадан ошади.
Financial Times таҳлилига кўра, Литассо компанияси аввал Швейцарияда жойлашган бўлсада, Украина урушидан сўнг Дубайга кўчирилиб, оффшор схемалар орқали 25 та танкер харид қилган. Бу танкерларнинг 97 фоизи Россия, хусусан "Лукойл" маҳсулотларини ташишда фойдаланилган. Танкерлар алоҳида оффшор компаниялар орқали рўйхатдан ўтказилган бўлиб, уларнинг бошқаруви Покистонлик тадбиркорга қарашли Дубай компаниялари томонидан амалга оширилган.
Европа Иттифоқи бу схемаларни нефть санкцияларини четлаб ўтиш механизми деб баҳоламоқда ва молиявий чораларни кучайтиришга тайёрланмоқда.
