Туркияда парвоз қоидалари кучаймоқда

 

Туркия авиакомпаниялари, жумладан Turkish Airlines, эндиликда самолёт ҳали тўлиқ тўхтамасдан ўз ўрнидан турган ва юк жавонларини очишга уринган йўловчиларга нисбатан маъмурий чоралар қўллайди.

 

Туркия Фуқаролик авиацияси бош бошқармаси томонидан чиқарилган янги низомга мувофиқ, “Хавфсизлик камари тақинг” белгиси ўчмасидан ўрнидан турган йўловчилар жаримага тортилади. Туркиш Аирлинес ушбу тартибни амалиётга жорий этган илк компания сифатида эътироф этилмоқда.

 

Авиакомпания борт кузатувчиларига — яъни стюардесса ва бошқа экипаж аъзоларига — янги қоидалар ҳақида йўловчиларни огоҳлантириш топширилган. Борт ходимлари қоидабузарлик ҳолатларини қайд этиб боради ва тегишли расмийларга етказади.

 

Янги тартибга кўра, самолёт ерга қўнгач, фақат “хайрлашув эълони” янграганидан ва хавфсизлик чироқлари ўчгачгина ўриндан туришга рухсат этилади. Акс ҳолда, йўловчи “авиадебошир”(безори) деб баҳоланади ва маъмурий жазога тортилади. Ҳозирча жарима миқдори аниқ белгиланмаган.

 

Turkish Airlines вакили Акдениз Герек нашрига берган баёнотида, бу ўзгаришлар фақат тартиб учун эмас, балки йўловчилар ва экипаж хавфсизлигини оширишга қаратилганини таъкидлади. Авваллари, самолёт ҳаракатда бўлган пайтда туриб кетган йўловчилар ва очилган багаж жавонлари сабабли бир нечта жароҳатлар қайд этилган.

 

 

“Биз бу каби хавф-хатарларни имкон қадар камайтирмоқчимиз”, — дейилади компания баёнотида.