COVID-19 нинг янги тўлқини Осиёда тарқалмоқда

 

Осиёда COVID-19 билан касалланиш ҳолатларининг янги тўлқини қайд этилмоқда. Хусусан, Хитойнинг Гонконг махсус маъмурий ҳудуди ва Цингапурда инфекциялар сони кескин ошган.

 

Соғлиқни сақлаш органлари маълумотига кўра, сўнгги ойлар давомида вирус юқтирганлар сони барқарор равишда ўсиб бормоқда. Бу эса вақт-вақти билан янги касаллик тўлқинларининг юзага келишига олиб келмоқда. Гонконг ва Цингапур расмийлари аҳолига эмлаш курсларини якунлашни, айниқса, заиф гуруҳлар учун кучайтирувчи (booster) дозаларнинг аҳамиятини яна бир бор эслатмоқда.

 

13 май куни Гонконг Юқумли касалликлар бўлими раҳбари Ou Jiazhong RTHK телеканалига берган интервьюсида, ҳудудда COVID-19 билан касалланиш “етарлича юқори даражага” етганини таъкидлади. Унга кўра, 2024 йил апрелидан бери энг кўп касалланиш ҳолатлари айнан ўтган ҳафта қайд этилган. Касалхоналарга мурожаатлар сони ҳам ортиб бормоқда, оқова сувлардаги вирус излари эса яна юқори даражада аниқланмоқда.

 

COVID-19 тарқалишининг олдини олишда илгари самарали чоралар кўрган Цингапур ҳам ҳозирда янги тўлқинга тайёрланмоқда. Мамлакат Соғлиқни сақлаш вазирлиги май ойида, йил давомида илк марта янгиланган статистикани эълон қилди. 27 апрелдан 3 майгача бўлган ҳафтада касалланиш 28 фоизга, касалхонага ётқизишлар эса 30 фоизга ошган.