Эрон Трамп билан ядровий битимга тайёр
Эвазига у санкцияларни бекор қилишни сўраган.
Эрон олий раҳбарининг бош маслаҳатчиси Али Шамхоний NBC News телеканалига берган интервьюсида, Эрон иқтисодий санкцияларни бекор қилиш эвазига президент Доналд Трaмп билан ядровий битим имзолашга тайёрлигини маълум қилди.
Унинг сўзларига кўра, агар барча иқтисодий санкциялар зудлик билан бекор қилинса, Эрон ҳеч қачон ядровий қурол ишлаб чиқармаслик мажбуриятини олади, юқори даражада бойитилган урандан воз кечади ва уни фақат фуқаролик мақсадларида паст даражада бойитишга рози бўлади.
Шунингдек, Шамхоний таъкидлашича, Эрон халқаро инспекторларга бу жараённи кузатиш имконини ҳам беради.
