Гренландияда АҚШнинг махфий ядро базаси аниқланди

 

НАСА олимлари томонидан янги радар технологияси синовлари чоғида кутилмаган кашфиёт амалга оширилди — Гренландиянинг музли қатламлари остидан АҚШнинг Совуқ уруш даврида қурилган, узоқ йиллар давомида махфий сақланган Camp Century ядро базаси аниқланган.

 

2024 йил баҳорида, НАСА мутахассислари муз остини “кўра” олувчи илғор радар тизимини синовдан ўтказиш чоғида, юз метрлаб қалин қор ва муз остида яширинган ҳарбий иншоотлар ва туннеллар тармоғини аниқланган. Маълум бўлишича, бу объект АҚШнинг Совуқ уруш йилларидаги стратегик ядровий базаси — Camp Century бўлган.

 

Camp Century 1959 йилда АҚШ ва Совет Иттифоқи ўртасидаги геосиёсий кескинлик кучайган бир даврда ташкил этилган. Расмий равишда база Арктикада омон қолиш технологияларини синаш мақсадида яратилган тадқиқот маркази сифатида танитилган. Аммо маълумотларга кўра, унинг асл вазифаси анча чуқурроқ эди — бу ерда Совет ҳудудига етиб борувчи 600 тагача ўрта масофали баллистик ракеталарни жойлаштириш режалаштирилган эди.

 

Аммо музликнинг доимий ҳаракати, таркибий ўзгарувчанлиги ва беқарорлиги сабабли лойиҳа 1967 йилда расман тўхтатилган. Ҳарбийлар базани тарк этганида, инфратузилманинг асосий қисмини муз остида қолдиришган.

 

Ушбу кутилмаган топилма нафақат тарихий ҳақиқатларни очиб бермоқда, балки глобал иқлим исишининг музлик остидаги хавфли ядро меросларини яна муҳокамага олиб чиқмоқда. Айни пайтда Camp Century нафақат Совуқ урушнинг музли шарпаси, балки музликлар остидаги унутилган хавф сифатида ҳам баҳоланмоқда.