Трампнинг оилавий бизнеси 2 млрд доллар даромад қилди
Криптовалюта президентга катта даромад келтирган.
The New York Times газетасининг хабар беришича, Доналд Трамп президентлик лавозимига қайтгач, унинг оилавий бизнеси катта даромадга эришган. Сўнгги бир ой ичида Трампнинг компаниялари камида 2 миллиард доллар даромад топган.
Жумладан, $TRUMP криптовалютасининг ишга туширилиши камида 174 миллион доллар даромад келтирган. Бирлашган Араб Амирликларида эса Трамп оиласининг янги крипто-лойиҳаси Wold Liberty Financial компаниясига 2 миллиард доллар сармоя киритилган. Бу компаниянинг келгуси йилларда ўнлаб миллион доллар фойда олиши кутилмоқда.
Шунингдек, Қатарда Трамп бренди остида 5,5 миллиард долларлик пляжли гольф мажмуаси ва виллалар қурилишига ёрдам берилган. Саудия Арабистонида эса Трамп бренди билан янги меҳмонхоналар ва гольф майдонлари қурилиши режалаштирилмоқда, бу эса оилага яна миллионлаб доллар даромад олишга имкон яратади.
