Трампнинг туғилган куни дабдабали тарзда нишонланади
Унга рекорд миқдорда маблағ ажратилмоқда.
АҚШ президенти Доналд Трампнинг 79 ёшга тўлиши ва Америка армиясининг 250 йиллиги муносабати билан 2025 йил 14 июнь куни ўтказиладиган ҳарбий параднинг умумий харажатлари 25 дан 45 миллион долларгача етиши мумкин.
Мазкур йирик парадда АҚШ қуролли кучларининг 6600 нафар аскари, 50 та ҳарбий самолёт ва 150 та ер усти техникаси иштирок этади. Хабарларга кўра, парадга қўшилган 20 га яқин М1 Абрамс танки ва бошқа ҳарбий техникалар қатнашади.
Шунингдек, бу сумма фақат асосий парад харажатларини қамраб олади. Йўлларда ҳарбий техникаларнинг ҳаракатидан сўнг зарур бўладиган тозалаш ва таъмирлаш ишлари харажатлари бу ҳисобга киритилмаган.
Доналд Трампнинг туғилган куни билан бирга АҚШ армиясининг тарихий юбилейини бир кунда нишонлаш кўплаб сиёсий ва ижтимоий муҳокамаларга сабаб бўлиши кутилмоқда.
