Фаластинлик қочқинлар сони 7 миллионга етди
Бу ҳақида Фаластин Президенти маълумот берган.
Фаластин Президенти Маҳмуд Аббосга кўра, ҳозирда дунё бўйлаб, хусусан Ғазо, Ғарбий Соҳил (Шарқий Қуддус билан бирга), Иордания, Ливан ва Суриядаги қочқинлар лагерларида яшаётган фаластинликлар сони 7 миллион кишига етган.
“Ҳамма жойда — айниқса Ғазо сектори ва минтақадаги қочқинлар лагерларида — миллионлаб фаластинликлар азоб-уқубат чекмоқда,” — деди Маҳмуд Аббос.
Унинг айтишича, Исроилнинг ҳаракатлари геноцидга тенг ва асосий мақсад — фаластинликларни Ғазо секторидан бутунлай сиқиб чиқариш.
Эслатиб ўтамиз, аввалроқ АҚШ президенти Доналд Трамп Фаластинни озодлик зонасига айлантириш режасини тилга олган эди.
