Роналду дунё спортида яна рекордни янгилади
2025 йилнинг энг кўп даромад топган спортчилари эълон қилинди.
Португалиялик футболчи Криштиану Роналду “Forbes” журнали томонидан тузилган дунёнинг энг кўп маош олувчи спортчилари рейтингида кетма-кет учинчи, умумий ҳисобда эса бешинчи бор биринчи ўринни эгаллади. «Ал-Наср» клуби ҳужумчисининг йиллик даромади 275 миллион долларни ташкил этди.
Рейтингда иккинчи поғонани NBA юлдузи, “Golden State Warriors” жамоаси аъзоси Стивен Карри 156 миллион доллар билан эгаллаган бўлса, кучли учликни британиялик боксчи Тайсон Фюри 146 миллион доллар билан якунлади. Фюри ўтган йил давомида украиналик Александр Усикка икки бор ютқазган ва профессионал фаолиятини тўхтатганини эълон қилган эди.
Умумий ҳисобда рейтингдаги 10 нафар спортчи бир йил давомида жами 1,4 миллиард доллар ишлаб топган.
