Дам олиш кунлари Ерда магнит бўронлар кутилмоқда
Қуёш шамоли тезлашмоқда.
Дам олиш кунлари қуёшдаги йирик тож тешиги туфайли Ерда геомагнит беқарорлик ва магнит бўронлар кузатилиши мумкин. Бу ҳақда Россия Фанлар академияси Космик тадқиқотлар институти ҳамда Сибир бўлими Қуёш-Ер физикаси институти хабар бермоқда.
Мутахассисларнинг таъкидлашича, шанба ва якшанба кунлари Қуёш шамоли тезлиги кескин ошади, бу эса геомагнит муҳитда сезиларли ўзгаришларга олиб келади.
Тахминан 30–40 фоиз эҳтимол билан магнит бўронлар кузатилади. Қуёш шамоли тезлиги ҳозирги 400 км/соатдан 600–700 км/соатгача кўтарилиши мумкин. Бундай ҳолат 5 баллик G-шкала бўйича G1–G2 даражадаги бўронларни, айрим шароитларда эса G3 даражасигача кучайган магнит бўронларни келтириб чиқариши мумкин.
Шунингдек, геомагнит беқарорлик ҳолати 4–5 кун давом этиши мумкинлиги таъкидланмоқда.
