Финляндияда икки вертолёт ҳавода тўқнашди
Воқеа юзасидан расмий баёнот берилмаган.
Финляндиянинг Сатакунта провинциясидаги Эура шаҳарчаси яқинида жойлашган аэродром устида икки вертолёт ҳавода тўқнашди.
Журналистлар маълумотига кўра, тўқнашув натижасида иккала ҳаво кемаси ҳам қулаб тушган. Сатакунта қутқарув хизмати ҳодиса жойига мутахассислар етиб келганини ва қидирув-қутқарув ишлари аллақачон бошланганини маълум қилган.
Шунингдек, Жануби-Ғарбий полиция бошқармаси ҳодисага оид дастлабки чоралар кўрилганини, биринчи бўлиб етиб келган ҳуқуқни муҳофаза қилувчи органлар воқеа жойида иш олиб бораётганини билдирган.
Ҳозирча Финляндиянинг Фавқулодда вазиятлар хизмати расмий баёнот бермаган, аммо яқин орада ҳодисага оид тафсилотлар эълон қилиниши кутилмоқда.
