Россия Украинага рекорд даражадаги дрон ҳужуми уюштирди
Украинага 273 та дрон учирилган.
18 майга ўтар кечаси Россия томонидан Украинага қарши катта миқдорда дронлар билан ҳужум амалга оширилди. Украина Қуролли Кучлари берган маълумотларга кўра, жами 273 та дрон учирилган.
Шулардан 88 таси Украина ҳаво мудофааси томонидан уриб туширилган, 128 таси имитацион — яъни чалғитувчи ва сохта дронлар бўлгани аниқланган. Қолган тахминан 60 та дрон ўз нишонларига етиб борган.
Ҳужумнинг асосий зарбаси Кйив вилоятига тўғри келган. Расмийлар маълумотига кўра, ҳужум оқибатида бир фуқаро ҳалок бўлган, бир нечта киши тан жароҳати олган.
Бу — уруш бошидан буён қайд этилган энг йирик дрон ҳужумларидан бири сифатида қайд этилмоқда.
