Павел Дуров ёлғон маълумот тарқатганликда айбланди
Ташқи ишлар вазирлиги унинг баёнотларини рад этиб чиқди.
Telegram асосчиси Павел Дуров Франция разведкаси раҳбари Николас Лернерни Руминиядаги президентлик сайловларига аралашишга уринганликда айблади. Бу ҳақда у ўзининг расмий канали орқали баёнот берди.
Дуровнинг сўзларига кўра, жорий йил баҳорида Париждаги Ҳôтел де Сриллон меҳмонхонасида бўлиб ўтган учрашувда Лернер ундан консерватив қарашдаги фойдаланувчиларни блоклашни сўраган.
"Мен бу сўровни рад этдим. Биз Россия, Беларус ёки Эрон намойишчиларини қандай блокламаган бўлсак, Европада ҳам бундай сиёсат юритмаймиз", — дейди Дуров.
У аввалроқ ҳам Ғарбий Европадаги бир мамлакат вакиллари Телеграмъдан Руминия президентлигига номзодлардан бирининг тарафдорларини чеклашни талаб қилганини билдирганди.
Франция Ташқи ишлар вазирлиги эса Дуровнинг баёнотларини рад этди ва уни ёлғон маълумот тарқатганликда айблади.
