Россия йил охиригача Украина мудофаасини ёриб ўтади
Мутахассислар Россиянинг ғалабасига шубҳа билан қарамоқда.
Россия президенти Владимир Путин Россия қўшинлари 2025 йил охиригача Украина шарқидаги тўрт вилоятни тўлиқ назоратга олишини кутмоқда. Бу ҳақда Bloomberg агентлиги президент позициясидан хабардор манбага таяниб хабар бермоқда.
Манбага кўра, Путин Украинадаги ҳарбий ҳаракатлар тўхтатилиши ҳақида халқаро миқёсда давом этаётган музокараларга қарамай, зарурат туғилса, ўз мақсадларига эришиш учун урушни узоқ муддат давом эттиришга тайёр. У, шунингдек, АҚШ томонидан жорий этилиши кутилаётган янги санкцияларга нисбатан оптимистик кайфиятда экани таъкидланган.
Шу билан бирга, Лондонда жойлашган Халқаро стратегик тадқиқотлар институтининг катта илмий ходими Бен Барри Россиянинг бу йил охиригача Украина шарқидаги тўрт вилоят устидан тўлиқ назорат ўрнатиши эҳтимоли пастлигини билдирган.
Россия Мудофаа вазирлигига яқин манба ҳам бу фикрни тасдиқлаб, Украина дронларининг интенсив ҳужумлари Россия қўшинларининг кенг кўламли операцияларини анча мураккаблаштирганини ва катта йўқотишларга олиб келаётганини айтган.
