Британияда “Гарри Поттер” шаҳарчаси қурилмоқда
Янги “Гарри Поттер” фильмини суратга олиш учун миллиард фунтлик мини-шаҳар қурилади.
Буюк Британияда афсонавий “Гарри Поттер” дунёсини жонлантириш учун мислсиз лойиҳа амалга оширилмоқда. Warner Bros студияси янги сериални суратга олиш мақсадида Хатфордширдаги Livsden киностудияси ҳудудида махсус мини-шаҳарча барпо этмоқда. Лойиҳа қиймати 1 миллиард фунт стерлингни (тахминан 1,25 миллиард АҚШ доллари) ташкил этади.
Янги шаҳарчада машҳур Ев кўчаси қайта тикланади. Бундан ташқари, суратга олиш жараёнлари учун барча шарт-шароитлар яратилади: актёрлар мактаби, тиббий марказ, ҳайвонлар учун жойлар, йўллар ва тўхташ жойлари қурилади.
Маълумотларга кўра, бу маскан нафақат суратга олиш майдони, балки актёрлар ва бутун жамоа учун керакли барча инфратузилмаларга эга “кичик метропол” вазифасини бажаради.
Эътиборга молик жиҳат — Вернон ва Петуня Дурслининг машҳур уйи бу гал классик кўринишда эмас, балки псевдотудор услубида бўлади.
HBO телеканалида намойиш этилиши режалаштирилган янги “Гарри Поттер” сериали 2026 йилда томошабинлар эътиборига ҳавола этилади. Сериалда Жанет Мактир, Паапа Эссеиду, Жон Литгоу, Ник Фрост, Пол Уайтхаус ва Люк Таллон каби юлдузлар иштирок этади.
