Трамп Украина бўйича кескин баёнотлар билан чиқди
Агар Украина бўйича силжиш бўлмаса, АҚШ можарони тартибга солишни Европага топширади.
АҚШ президенти Доналд Трамп Украинанинг ҳозирги ҳолати ва можаро бўйича бир қатор кескин баёнотлар билан чиқди. Унинг таъкидлашича, агар яқин орада Украина масаласида сезиларли силжиш бўлмаса, АҚШ ушбу можарони тартибга солишдаги асосий ролни Европага топшириши мумкин.
Трампнинг айтишича, бу можаро аввалдан Европанинг муаммоси бўлиб қолиши керак эди ва Қўшма Штатлар унга аралашмаслиги лозим эди. Бироқ у шундай ҳолатга тушганидан сўнг, эндиликда тинч йўл билан ечим топиш устувор вазифа бўлиши кераклигини таъкидлади.
Трампнинг асосий баёнотлари қуйидагича:
- Украина уруши АҚШнинг уруши эмас, у фақат тинчликка эришишда воситачи бўлишга ҳаракат қилмоқда;
- Украина билан мулоқот қилиш қийин бўлишига қарамай, қурол етказиб беришни кучайтириш имконияти кўриб чиқилмоқда;
- Трамп Россияга қарши санкцияларни кучайтирмаётганини тинчлик имкониятларига ишониши билан изоҳлади;
- Унга кўра, Путин ҳам можародан чарчаган ва урушни тўхтатишни хоҳламоқда;
- Трампнинг фикрича, АҚШ аллақачон бошқа давлатларга нисбатан рекорд даражада ёрдам кўрсатган;
- Ҳар қандай ҳолатда ҳам АҚШ аскарлари Украинага юборилмайди;
- Яқин 2–4 ҳафта ичида Украинанинг урушни тўхтатиш йўлидаги ҳаракатлари баҳоланади;
- Ватиканнинг музокараларда иштирок этиши АҚШнинг жараёндан чиқишини англатмайди;
У, шунингдек, босим нуқтасига етилгани ҳақида гапириб, “қизил чизиқ” мавжудлигини айтиб ўтди, бироқ унинг аниқ мазмунини очиқламади.
